ضيق الشقق السكنية وعدم
شرعيتها في غالب الحالات الا من انعم عليه ربي فرض على السودانيين في الغربة
التعامل مع ملف الشغالات في حالات الضرورة القصوى .. وغالبا اما لسبب مرض او
لاستقبال مولود جديد .. وكلنا تقريبا خضنا ذات التجربة ....
صديق باعتبار اني صاحب تجربة استعان بي للبحث عن شغالة بحجة انه زوجته على وشك الوضوع . وقال انه زوجته اشترطت اما الشغالة او زيارة لامها .. قلت له ما تعمل زيارة لامها .. قال لي يازول انت ما نصيح ؟ يمين اجيب لي عشرة خدامات احسن لي. وفعلا بطريقة عن فلان وعن فلان وصلنا للشغالة منتدبة لمدة شهر النفاس
وبعد شهر قابلته اها كيف معاكم الشغالة .. قال لي خلاص خارجتها .. ياخي ادبتني أدب ...... ..
كيف ؟
- قال من اول يوم جات المدام جابت لي قائمة بطلبات غريبة .. مش عارف كاري ورز بسمتي وصلصة الصويا الحلوة ومش عارف كرتونة اندومي ومكرونة ؟ قلت ليها الحاجات دي لشنو؟ .. قالت لي للشغالة انت عارف الاندونيسيين ما بياكلوا اكلنا دا فهي لازم تطبخ اكلها بنفسها .. وبعد يومين نكتشف انه الشغالة تضرب القراصة بالملوخية زي الورد لكن دي ما المشكلة .. بليل نجي من الساعة عشرة المدام كله شوية شابكانا ليك : هوسسسسس براحة ... في شنو يا ولية .. وطوا صوتكم الشغالة نايمة ... ووطوا صوت التلفزيون .. يا ولية الشغالة تنوم قبل ناس البيت ؟... ياخ حرام عليك يا خضر ياخ هي بتصحى من عشرة صباحا لعشرة بالليل واقفة على فد رجل تخدم فيكم ..قلت وكمان تصحى من النوم عشرة صباحا .؟
ما علينا جيت بالليل جاري من المكتب احضر مباراة هلال مريخ حضرت الشوط الاول بعد شوية جاتني ليك المدام قالت لي خلاص قوم كفاك .. كيف يعني كفاي الكورة ما انتهت .. قالت لي خلاص كفاك شوط واحد .. شنو هو كفاي شوط هو انا لاعب ؟.. اقول ليك الكورة ما انتهت .. ياخي الشغالة ؟ مالها كمان الشغالة ومال الكورة ؟.. الشغالة متابعة المسلسل التركي وقالت عاوزة تحضر الحلقة ... يا سلام؟ وانا امشي وين ؟..... انت امشي نوم خلاص بكرة وراك شغل .. وشغالتك دي جاية إجازة ولا جاية لعرس اخوها..... ياخ حرام عليك البت تخدم فينا من الصباح خليها ترفه شوية .. خلي عندك انسانية كمان ... طبعا ماقلت غير اوففففف ورحت نمت ارجف بالزعل ... لكن دا كله هين ..
في شنو تاني كمان بعد كدا ..؟
-جيت يوم لقيت ليك الغدا شكله غريب كدا مكرونة مقطع فيها فلفلية خضراء ودجاج وريحتها غريبة كدا وسلطة فيها جبنة وزيتون .. يا ولية دا شنو دا كمان وين الغدا ؟
-القدامك دا ما غدا ؟
-غدا شنو انا ما فاهم أي حاجة في الصينية دي وبعدين ريحته غريبة كدا زي سوق البطحا ..
- الشغالة قالت انا ضقت اكلكم لازم انتو كمان تضوقوا اكلنا تصور الليلة سوت الغدا دا كله براها شفت طيبة البت دي كيف ؟
- يا ولية يعني كان في زول عزمها قال ليها ضوقي اكلنا .. بعدين هي قعد تضوقوا بس ولا قعد تلهطوا لهط وتتشهى كمان ( ماما انت لازم تسوي لينا بامية مفروكة بقراسة ) )..
- اها يا ابو الشباب اتخارجت منها كيف ..
- يا زول صبرت اتحملت ليك الشهر دا كدا بكل بلاويه .. آخر الشهر جبت ليها راتبها قلت ليها يلا حضري شنطتك نرجعك لاهلك .. بلا اشوفها ليك انفجرت بالبكا والشفع وامهم كلهم بقوا يبكوا معاها ..وقالت هي ( بابا انا ما يبقى يروح منكم انا ممكن في سوي خصم كمان ..
المدام : عليك الله يا خضر الشفع اتعلقوا بيها خليها تكمل معانا ..
- تكمل شنو كمان هو فضل شي ما كملتو لسع ؟ البت لقت سكن المضيفات دا تروح كيف تاني .. خلي تمشي للناس البيخلوها تغسل السجاد وتكويه عشان تآمن ... .
- قالت بتعمل لينا خصم..
- -حتى لو تدينا قروش ما دايرنها
المهم جملة مني وجملة من المدام حسيت ليك بأن المدام متمسكة بيها بشدة وعايزة تدبسها فيني للابد .. وقلت يا خضر لازم تشغل رأسك...اخيرا اهتديت لفكرة شيطانية يمين طيرتها ليك في نفس اليوم .. .
- أها عملت شنو يا الشقي ؟
يازول قلت الشغالة دي امرقها من البيت دا بالباب البجيب الريح زاتو .
صديق باعتبار اني صاحب تجربة استعان بي للبحث عن شغالة بحجة انه زوجته على وشك الوضوع . وقال انه زوجته اشترطت اما الشغالة او زيارة لامها .. قلت له ما تعمل زيارة لامها .. قال لي يازول انت ما نصيح ؟ يمين اجيب لي عشرة خدامات احسن لي. وفعلا بطريقة عن فلان وعن فلان وصلنا للشغالة منتدبة لمدة شهر النفاس
وبعد شهر قابلته اها كيف معاكم الشغالة .. قال لي خلاص خارجتها .. ياخي ادبتني أدب ...... ..
كيف ؟
- قال من اول يوم جات المدام جابت لي قائمة بطلبات غريبة .. مش عارف كاري ورز بسمتي وصلصة الصويا الحلوة ومش عارف كرتونة اندومي ومكرونة ؟ قلت ليها الحاجات دي لشنو؟ .. قالت لي للشغالة انت عارف الاندونيسيين ما بياكلوا اكلنا دا فهي لازم تطبخ اكلها بنفسها .. وبعد يومين نكتشف انه الشغالة تضرب القراصة بالملوخية زي الورد لكن دي ما المشكلة .. بليل نجي من الساعة عشرة المدام كله شوية شابكانا ليك : هوسسسسس براحة ... في شنو يا ولية .. وطوا صوتكم الشغالة نايمة ... ووطوا صوت التلفزيون .. يا ولية الشغالة تنوم قبل ناس البيت ؟... ياخ حرام عليك يا خضر ياخ هي بتصحى من عشرة صباحا لعشرة بالليل واقفة على فد رجل تخدم فيكم ..قلت وكمان تصحى من النوم عشرة صباحا .؟
ما علينا جيت بالليل جاري من المكتب احضر مباراة هلال مريخ حضرت الشوط الاول بعد شوية جاتني ليك المدام قالت لي خلاص قوم كفاك .. كيف يعني كفاي الكورة ما انتهت .. قالت لي خلاص كفاك شوط واحد .. شنو هو كفاي شوط هو انا لاعب ؟.. اقول ليك الكورة ما انتهت .. ياخي الشغالة ؟ مالها كمان الشغالة ومال الكورة ؟.. الشغالة متابعة المسلسل التركي وقالت عاوزة تحضر الحلقة ... يا سلام؟ وانا امشي وين ؟..... انت امشي نوم خلاص بكرة وراك شغل .. وشغالتك دي جاية إجازة ولا جاية لعرس اخوها..... ياخ حرام عليك البت تخدم فينا من الصباح خليها ترفه شوية .. خلي عندك انسانية كمان ... طبعا ماقلت غير اوففففف ورحت نمت ارجف بالزعل ... لكن دا كله هين ..
في شنو تاني كمان بعد كدا ..؟
-جيت يوم لقيت ليك الغدا شكله غريب كدا مكرونة مقطع فيها فلفلية خضراء ودجاج وريحتها غريبة كدا وسلطة فيها جبنة وزيتون .. يا ولية دا شنو دا كمان وين الغدا ؟
-القدامك دا ما غدا ؟
-غدا شنو انا ما فاهم أي حاجة في الصينية دي وبعدين ريحته غريبة كدا زي سوق البطحا ..
- الشغالة قالت انا ضقت اكلكم لازم انتو كمان تضوقوا اكلنا تصور الليلة سوت الغدا دا كله براها شفت طيبة البت دي كيف ؟
- يا ولية يعني كان في زول عزمها قال ليها ضوقي اكلنا .. بعدين هي قعد تضوقوا بس ولا قعد تلهطوا لهط وتتشهى كمان ( ماما انت لازم تسوي لينا بامية مفروكة بقراسة ) )..
- اها يا ابو الشباب اتخارجت منها كيف ..
- يا زول صبرت اتحملت ليك الشهر دا كدا بكل بلاويه .. آخر الشهر جبت ليها راتبها قلت ليها يلا حضري شنطتك نرجعك لاهلك .. بلا اشوفها ليك انفجرت بالبكا والشفع وامهم كلهم بقوا يبكوا معاها ..وقالت هي ( بابا انا ما يبقى يروح منكم انا ممكن في سوي خصم كمان ..
المدام : عليك الله يا خضر الشفع اتعلقوا بيها خليها تكمل معانا ..
- تكمل شنو كمان هو فضل شي ما كملتو لسع ؟ البت لقت سكن المضيفات دا تروح كيف تاني .. خلي تمشي للناس البيخلوها تغسل السجاد وتكويه عشان تآمن ... .
- قالت بتعمل لينا خصم..
- -حتى لو تدينا قروش ما دايرنها
المهم جملة مني وجملة من المدام حسيت ليك بأن المدام متمسكة بيها بشدة وعايزة تدبسها فيني للابد .. وقلت يا خضر لازم تشغل رأسك...اخيرا اهتديت لفكرة شيطانية يمين طيرتها ليك في نفس اليوم .. .
- أها عملت شنو يا الشقي ؟
يازول قلت الشغالة دي امرقها من البيت دا بالباب البجيب الريح زاتو .
مش
المثل بيقول الباب البجيب الريح سده واستريح ؟ قلت انا افتحه وزي ما تجي تجي ؟
-كيف يعني ؟
- قلت للمدام ياخ البت دي وجودها ما شرعي في البيت وانت شايفاها حايمة وسطنا مرة ببنطلون الجينز ومرة بالبرامودا وشعرها ناعم نازل في ظهرها ماشاء الله يعني ما نسحرها وجسمها كمان .. قبل ما اكمل كلامي اشوف ليك المدام وشها اتغير في الاول وفجأة صرخت فيها قائلة ( يا بت ياساندي لمي هدومك سريع في الشنطة ارح نوديك لاختك الليلة دي ما تبيتي معانا ....
- والله انت مسلط ومصيبة كمان لكن ما قلت لي الفكرة الشيطانية دي جبتها من وين .
- قلت للمدام ياخ البت دي وجودها ما شرعي في البيت وانت شايفاها حايمة وسطنا مرة ببنطلون الجينز ومرة بالبرامودا وشعرها ناعم نازل في ظهرها ماشاء الله يعني ما نسحرها وجسمها كمان .. قبل ما اكمل كلامي اشوف ليك المدام وشها اتغير في الاول وفجأة صرخت فيها قائلة ( يا بت ياساندي لمي هدومك سريع في الشنطة ارح نوديك لاختك الليلة دي ما تبيتي معانا ....
- والله انت مسلط ومصيبة كمان لكن ما قلت لي الفكرة الشيطانية دي جبتها من وين .
من حريم السلطان ياخ ..
..
- لاحظت المدام المسلسل الوحيد المتابعاه هو حريم السلطان وهاريها بالغيظ قالت الواحدة يجيبوها خدامة الليلة بعد يومين تبقى سلطانة وتفتري على السلطانة الأصلية ... ..
****************************************************
- لاحظت المدام المسلسل الوحيد المتابعاه هو حريم السلطان وهاريها بالغيظ قالت الواحدة يجيبوها خدامة الليلة بعد يومين تبقى سلطانة وتفتري على السلطانة الأصلية ... ..
****************************************************
ليست هناك تعليقات:
إرسال تعليق